Ni Fhen
Hiton nga lawud ha im’ bato nga pader linalapdosan
gikan pa it’ didto ha am’ kababwakan.
Tarahiti han nagdudulom nga kalarakan
hinay-hinay, mahilom nga sinusudlan pinupon-an
an hilabaay manipis nga salog nam’
gab-i ug adlaw man.
hasta napuno, nagsulwak, sumulong
ngan ako nadara, nahiupod,
usa nga baha –
An pinakamahilom ug pinakamahinay
asay an marumpag madistrungka
han im’ pader, maypoder,
bis’ diri mo man karuyag
hul-os nga hahangkopon,
han lawud daw balud,
namon…
Leave a comment