Ni Elisa Badilla Enage
Waray kamurayawan an aton nasyon.
Dinhi, didto samok ug demonstrasyon.
Ano ba an makukuha nga kabubuwason
Kon kita magpapasuson-suson. [sic]
Pagdurudisgusto aton na hingalimtan,
Pagpauswag lugod aton pagburubligan;
Kay san-o pa man naton maangbitan
An hinihingyap ta nga kahimyangan?
Kon aton pagsiudgon an kasamokan,
Pirdi an ekonomiya, pirdi an edukasyon.
Ano an ipaparayaw han masunod henerasyon?
Puros man la kita pagsiguro han kalugaringon.
Hinumdomi ta an aton makagarahom
Nga asya an naghatag kinabuhi naton;
Unina buwas kalit ka la kukuhaon
Waray madadara, waray mababalon.
(Published in 2005 with the editors Merlie Alunan et. al. in the book Mga Siday han DYVL)
[...] those who are interested to read the whole siday of Enage entitled Kauswagan, just click this link.) Please check out other posts related to what you have [...]